قصيدة الجرح

ابـــوحـــــور · #1 13-Sep-2007, 02:59 AM

اهديكم هذي القصيده

محد(ن) يلـــم الجــرح مثلي بهمـه =لاصـــار جرحي يعطب الروح بسكـات
اخفيت جـرح(ن) نازف(ن) كل دمـه =حتى غــدا نزفه مـــع الـــوقت قطــرات
جسمي براه الهم عجل(ن) وسمه=والقلب ماعاد تسمع لــه اليوم خفقات

علي القصيــــــم

ياعلي جرحي مثل جرحك والمه =الملم اجروحي مع الهم بسكات
هيضتني في حلو شعرك وهمه=توصيف شاعر ماوصفها على الشات
وحركت جرحٍ] والحنايا تضمه=مبطي ورى حدب الضلوع النحيفات

برق الوسم

برق الوسم · #2 13-Sep-2007, 03:17 AM

هههههههههههه

الله الله الله ياعلي القصيم

شاعرنا الرائع تسلم وصح لسانك لاهنت اخوي
اعذرني على المجاراه احب القصيد الصحيح اللي من القلب

تقبل كل التحاياااااااا برق الوســـــــــــــــــــــــــــم

محسن القصيم · #3 13-Sep-2007, 04:06 AM

هلا ابوحسين صاير تكتب من ورانا وانا يوميا اشوفك

ولاتقولي !!!!!!!!! افا ياغلاي :)

صح السانك ودمت

اخوك الصغير

بنت الحوااامد · #4 13-Sep-2007, 08:14 AM

برد على اخويه علي باهالابيات

محدٍ يلم الجرح مثلي بهمّه
لاصار همي يعطب الجرح بسكات

ولا صرت مثل المغرم اللي تذمّه
كل الليالي والعواذيل شمّات

ذقت الغرام وذقت كاسه وسمّه
لين ارتوى قلبي من السم ويلات

واصبحت بين الليل ويا ابن عمّه
تجاذبوني من ورى صفوة الذات

اذكر حبيبن راح واليوم همّه
بين الضلوع العوج غنى سلامات

وصح الله السانك ولا هنت وعلا
شانك بين عربااانك ولاخلا ولا عدم
ولك مني ارقى التحايا اختك بنت الحوااامد

ابـــوحـــــور · #5 13-Sep-2007, 02:27 PM

مشكورين اخواني على المرور
1- ابو وسم مشكور على المجاراه بس ماراح نوصلك انت شاعر كبير
2- اخوي محسن القصيم انا مو شاعر هذي تعبير عن الخاطر وتسلم على مرورك يالغالي
3- اختي بنت الحواميد مشكوره على الرد