تعالي نعنبو قلبك قدر يصبـر علـى فرقـاي=تعالي داوي جروحٍ بوسـط القلـب مخفيـه
تعالي مابقى وقتٍ أبقهر فيـك كـل إعـداي=تعالـي للقهـر فينـي وضمينـي بحنـيـه
عطيتك عشق من قلبي قليلٍ مثلي وشـرواي=قليل اللي يعيش الحب بدنيـا حـب وهميـه
عطيتك أصدق أشواقي وصرتي مطلبي ومناي=ومشاعر تحلف بحبـك بالأديـان السماويـه
عماك الوقت ثم غرك زمانٍ قاصـد بلـواي=يزين لك دروب الجرح ويقرصني كما الحيـه
تكابرتي وقفيتي ولا حتـى عـذر لرضـاي=وأناماشي طريق المـوت حدتنـي خطاويـه
أهوجس فيك في همي وفي حزني وفي ذكراي=صباح وليل وطيوفك بعينـي ترسمـك ليـه
أحبك.؟ نعنبو جدك سكنتي داخلـي بحشـاي=ألا وين الطريـق اللـي ينسينـي مطيريـة

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الادمي لولا المكارم والاخلاق=كالحنظله من ساسها لاورقها

اقتباس: المشاركة الأصلية كتبت بواسطة المنسدح في اللفه    صح لسانك اخي الكريم الله يعطيك العافيه

اقتباس: المشاركة الأصلية كتبت بواسطة غريب الدار    صح لسانك سلايل كحيلان والله يعطيك العافيه ننتظر جديدك دمت بخير

اقتباس: المشاركة الأصلية كتبت بواسطة ابو سارة    سلايل كحيلان اجبرتني هذه القصيده ان اقف عندها لأنها رائعه ننتضر ما لديك من تحف

اقتباس: المشاركة الأصلية كتبت بواسطة ابن نمش    صح لسانك على القصيده التي تركتنا نقف مصفقين لا تحرمنا من جديدك