البارحة قلبي تزايد همومه=والجفن ساهريذرف الدمع مانام
ليلي طويل وقمت اعدد نجومه=مالي جدى ياكودعظي للابهام
لامن غفيت الليل جتني حلومه=أعيش في دنياغريبة من العام
سبّة وليفاًً مالفتني علومه=عني تنحتبه مقاديرالأيام
خل(ن)بوسط القلب جادت سهومه=أعيش عقبه في متاهات الأوهام
عني رحل بظروفه إللّي محكومه=وتحطمت في حبنا كل الأحلام
عندي بقت صورة عليها رسومه=ورسايلٍ فيها تواقيع وأرقام
ذكرى هوانا والسعادة تدومه=دامت لنا الذكرى وهوكيف مادام
راعي الهوى لوصاح ماحد(ن)يلومه=ومنهوسواتي محدن اليوم له لام
وش حيلتي ياسي تراكم غيومه=أبغى جواب(ن)مقنعٍٍِِِِِِ ٍوافيٍٍٍٍ تام