ابتسامة

ابن فالح · #1 07-Apr-2007, 03:38 PM

كان فيه واحد " على نياته
جرّب يستثمر أمواله !

وكان عنده ببغاء يتكلم ..

مشكلة الببغاء .. إنه كل ما شاف راعيه قال : ياغبي . يا غبي .. يا غبي ! ..

راعيه ضاق صدره . وقرر ياخذ الببغاء لمدرب الطيور علشان يعدّله ..

: يا مدرب الطيور . شف لك صرفة مع هذا الببغاء .. كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني

قال المدرب : ما عليك .. خلّه عندي كم يوم ..

ولما راح راعيه . جاب المدرب " سطل " مويه حاااارة .. وحطه قدامه .. وسأل الببغاء ..

: أنا مين ؟ !

قال الببغاء : أنت صديق الغبي ! ..

وينزله المدرب في المويه الحاااره ثم يطلّعه .. ويسأله ...

: أنا مين ؟

قال : أنت صديق الغبي ..

وينزله في الموية مرة ثانية .. ثم يطلعه .

: أنا مين ؟

.. وعلى هالحال .. حتى تربى الببغاء وتسنّع ..

أخيرا .. قال له المدرب ..

: أنا مين ؟ !

قال الببغاء : أنت صديق أذكى واحد في العالم ..

ويوم جا راعي الببغاء . قال المدرب : تفضل اسأله ...

قال راعي الببغاء .. : أنا مين ؟!

قال الببغاء : أنت مين ؟! وهذا سؤال !! .. أنت الذكي .. إلا أنت أذكى واحد عرفته في حياتي !
قال له راعيه : .. طيّب .. وإذا لعبت بفلوسي على كيفي ؟!

قال الببغاء : .. هذي فلوسك .. من عرق جبينك .. تسوي فيها اللي تبي ...

قال : طيّب .. إذا دخّلت فلوسي عند " هابتكو " ؟ !

قال الببغاء : ممتاز .. حركة استثمارية في غاية الذكاء .. ومن أذكى واحد في العالم ..
: طيّب .. وإذا دخلت فلوسي عند " الجمعة " ؟ ..

: طبيعي .. تنويع استثماري .. من أذكى واحد في العالم !

: طيّب .. وإذا دخلت فلوسي عند " ابن حسن " ؟ ..

: ذكاء خارق .. وماشي مع الحكمة اللي تقول " لا تحط البيض في سلة واحدة " .. فعلا أذكى واحد في العالم !

: طيّب .. وإذا دخلت فلوسي عند " العيد " ؟ ..

: عادي .. وزي ما يقولون " حشر مع الناس عيد " .. صحيح إنك أذكى واحد في العالم ..

: . طيّب .. وإذا دخلت فلوسي في الأسهم ؟ !

قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم !!

برق الوسم · #2 07-Apr-2007, 03:56 PM

هههههههههههههههههههه
ابن فالح الله لايهينك تسلم يالغالي

ياويلي عن الببغاء يعد يعرف سوووق الاسهم

تحيلااااتووو برق الوســـــــــــــــــــــــــــــــــــم

ابن فالح · #3 07-Apr-2007, 04:11 PM

شاكر على مرورك الكريم يابرق .....

والببغاء صار اذكى منا ....................... وصادونا للاسف

تحياااااااااااااااااااتي

Regardsssssssssss

حوريه الثامريه · #4 07-Apr-2007, 07:57 PM

اقتباس:

: . طيّب .. وإذا دخلت فلوسي في الأسهم ؟ !

قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم !!

والله ان الببغااء صااادز بهالنقطه ,,,,

حااامت تسبدوه من هالغبي هع هع هع ,,,

ابن فاالح يسلمو على الموضوع الراايق ,,,

تقبل تحياااتي ,,,,

ابن فالح · #5 08-Apr-2007, 10:39 AM

شاكر مرورك ..... والاسهم فينا فينا ..... والله يستر .

ماشاء الله عليك ياحورية ........ اسعدني مرورك وكلماتك