| الشاعر محمدضيف الله بن رويل والشاعر محمد خلف الخس
نخليكم مع القصيده الاولي للشاعر محمد بن ضيفالله ابن ارويل
ياراكب الـي مقدمـه تقـل منهـوض=واليـا قفيتـه قلـت كلـه نهـاضـي
عليه من شد المريكـي لـه غـروض=ولابـد لولـه حاجـة مـن نقاضـي
عليه من يوصل سلامـي ومفـروض=فرض عليه يوصلـه مـن غراضـي
يوصل بشكوايه ولا الخس معـروض=حيث انـه البستـان للشعـر قاضـي
يابو خلف ليـه مـع الربـع ملحـوظ=ملحوضي اللي طال وايبس الحاضـي
غديـت انـا ويـاه فاتـل ومنقـوض=لا مـن نيـاه ولاش شـي نجاضـي
الله يجازي من طلـع لـي عـاروض=صار السبب في وقفتـي واعتراضـي
بس اترجى هافـي الخصـر وانـوض=رجوا الفريق لبـارق الوسـم ناضـي
اللي عليهم طـول الوقـت والحـوض=وكل بلـش فـي عدتـه والحياضـي
ويبون عقب دهورهم يخضر الـروض=يجـي ربيـع ويخضـرن الفياضـي
وانا صويب مورد الخـد مغضـوض=وانته شريت وبعت عنـد الغضاضـي
ويوم انت من فزعة رفيقك وبك عوض=ماتحمـي المفـزاع يابـو العواضـي
ليا ذكرت اللي على الـردف منقـوض=والـلا حمـارن ساطـع بالبيـاضـي
قامت شرايـن الضمايرلـه تجـوض=غصب علي ليا طرى القلـب جاضـي
في ذمتـي مايدركـه كـود محظـوظ=حـظ يجيبـه ذاك سيـد الحظـاظـي
الله يجازي من طلـع لـي عـاروض=صار السبب في وقفتـي واعتراضـي
رد الشاعر خلف الخس على محمد ابن رويل
ابن رويل من اشقر الـراس ممـروض=من واهـج بيـن الضلـوع العراضـي
من الهوى في قلبـه ثلـوم واقضـوض=مثل الفتـوق بسمـل ثـوب قضاضـي
ابـاس يامحمـد ومافـات معـيـوض=ياللي شكيت من الهـوى حـر لاضـي
ياطيـب المنسـب وياطيـب النـوض=انتـه سنـافـي قــوي المنـاضـي
وكم واحدا قدمـك مزعـل ومرفـوض=حـاديـه دون الحبـيـب البغـاضـي
ولو هو مثل عنتر يخوض الخطر خوض=عـود مثـل ماقيـل مخبـاه فـاضـي
حـاديـه حسادمجالـيـد وربــوض=واكثر عيـون النـاس عنهـم مفاضـي
والجوهـر الغالـي مجـود ومحـفـوظ=هذا كـلام النـاس حاضـر وماضـي
والنـاس يامحمـد توافيـق وحـظـوظ=والعبـدفـي مـادبـر الله راضـــي
ليـا صـار بهـا حـراج وغـمـوض=دور الحـل للمشـكـلات العـراضـي
كان الصميل من الحجاجير مخضـوض=مـن لا فعـل ماينتهـي لـه مقاضـي
انهب عشيرك واشرب الما في الحـوض=تـرا الـدروب مـع الفيافـي فواضـي
ازبن هل العوجا ليا صـرت مغيـوض=بالـك يقـف موتـرك دون الرياضـي
وابشر بخلك دونـه السيـف معـروض=سيـف السبـاع القاطعـات المواضـي
وليا تهيا صـل لـك خمسـة فـروض=عيدلـخـلاق الـشـداد الـغـلاضـي
__________________
يـــــــــــــــــالله يابعث بحقه رسوله = تكتب لنا يـــــــــوم الحساب النجاحي
يطلبك عبــــــــد عاف قصره وطوله = مذنب ويرجــــي رحمتك والمباحي
مـــــــــا له سوى رحمتك عذر يقوله = ليا دهدموه مجوديـــــــــن المساحي
التعديل الأخير تم بواسطة برق الوسم ; 09-Mar-2007 الساعة 02:30 PM.
| 
رد: الشاعر محمدضيف الله بن رويل والشاعر محمد خلف الخس 
