 في الكمبيوتر مابقى شي مدسووس
بالكمبيوتر ما بقا شيء مدسوس *** ماني سياسي وافتهمت السياسه
عالم ثقافه لكن الجات كابوس *** ضياع ناس وتحسب انه وناسه
اخذت انا بالنت دورات ودروس *** الراس شيّب من سنين الدراسه
النت يالحريف كيبل وقاموس *** كيبل ولكنه خطير التماسه
مافيه أمان ومدمن الجات جاسوس *** قضاء حياته بالغثىء والبلاسه
هم وضياع وشاري الهم بفلوس *** راحت شباب بسبته واختلاسه
لا والله الا عالم النت فيروس *** فيروس تأثيره شديد انعكاسه
لوحة تحكم والاوامر على الدوس *** أدمن وفاوند ر حكومة رئاسه
الخاسراللى يحسب الجات ناموس *** تعاسةٍ يا شينها من تعاسه
فى وسط غرفه عاشق النت محبوس *** مسجون فى عنبر بليا حراسه
الغرب واليابان والصين والروس *** تطورواااا بالعولمه واقتباسه
وبعض العرب يمشي مع الدرب معكوس *** يركض ورا درب الردى والدناسه
هذا وانا ولعت بالنت فانوس *** شعاع علمه مر فى شرب كاسه
الشاعر / نهار عبدالله الخالدي
.................................................. .............
الرد على قصيدة نهار الخالدي
يالشاعر البرواز دقيت ناقوس *** طيّرت عن جفن المغفّل نعاسه
فيما تقول الصدق واضح ومحسوس *** شئٍ صحيح ولا يبيله فراسه
قلبك على شبان الأسلام محموس *** تدفعك في حب الشباب الحماسه
أمقدرين اللي من الوضع معموس *** مشاعر البرواز من طيب ساسه
لا شك طعني لا يجي فيك هاجوس *** هوّن مصيبتها وخاطرك واسه
أطلق شعاع العلم في داخل الروس *** والعلم نور ويرفع العلم ناسه
الكمبيوتر بالملفات متروس *** فيه الرخيص وفيه دره وماسه
تختار ما تحتاج في زر ملموس *** تحصل على ما تشتهي في سلاسه
أسرع من البارودوأقطع من الموس *** راعيه ما يأمن عليه أنتكاسه
ما كنه الا شئ بالجن ممسوس *** عالم غريب ولا لحقنا قياسه
والآدمي في داخل النت وإيحوس *** والسالفه ترجع على مخ راسه
لا صار مخه خاربٍ ينخره سوس *** يصبح كماالسلعه بسوق النخاسه
والا سليم العقل والقلب محروس *** عنده مناعه عن دروب النجاسه
الشاعر الحريف
__________________
( لاتتتخـيل كل الناس ملائكهـ ــ لإنكـ ستبكـي يومـاً على سذاجتكــ وتنهــار أحلامكـ ــ ))
ana.khalid1@hotmail.com
فقطـ ـ ــ أنتبهـ ـــ بقـــايــا إنسانـ ـــ
| 
