مشيت مع غيري وروّحـت ويـاه=ودرب ٍ مضا خليتني جالـس ٍ فيـه
فكري غدا واطلقت من ضامري آه=ونه تبع ونـه وليـه ٍ تبـع ليـه
جاني خبر قالوا حبيبك شرب مـاه=ماهو لحالـه لـه حبيـب ٍ يسقيـه
قلت اسكتوا ثم صحت عزاه عـزاه=عزاه يا بحر ٍ رسيـت بشواطيـه
بنيت فـي قلبـي مكـان ٍ لملقـاه=وحطيت له شارع على شان رجليه
ونقشت في قلبي حروف ٍ مسمـاه=خمسة حروف وسعد منهو يناديـه
يا عين نور العرس وش لي برؤياه=صدي عن الغـدار والبيـت خليـه
يا رجل روحي لا توّطيـن ماطـاه=وان قابلك في درب حذراك تمشيـه
يا كف لا تلمـس يديـن ٍ محشـاه=بالنيـه السـودة مخفـي خوافـيه
خصبق حياتي خصبـق الله نوايـاه=وضيّع قليبـي ضيـع الله مراويـه
الحب في ذا الوقت يا ناس وش جاه=ضاعوا هله يا ناس منهـو يعزيـه
ميثاق حبـي بيـد خلـي مسـواه=ثم قطَّع الميثاق واخلـف حكاويـه
ودي بحوريـات مـن جـنـة الله=وبنات حوا حبهن وش نبـي فيـه
وش لي بحب ٍ كل دربـه مـلاواه=درب العوج يا بنت مانـي بماشيـه

رمانة القلب محرقها أنت بعيونك = وإلا عراويه قاضبها أنت بيدينك
يابعد فرقك على ناس ٍ يمارونك = لو يوزن الزين مالت به موازينك

المشاركة الأصلية كتبت بواسطة ديحاني ياهلا وغلا صح بدنك مسموح يابن العم خذ راحتك ومشكور على تواصلك

رمانة القلب محرقها أنت بعيونك = وإلا عراويه قاضبها أنت بيدينك
يابعد فرقك على ناس ٍ يمارونك = لو يوزن الزين مالت به موازينك

وش لي بحب ٍ كل دربـه مـلاواه