الادمي ضيـف والدنيـا معازيبـه

ديحاني · #1 28-Sep-2006, 05:01 AM

قال الذي قاس من ماضي تجاريبـه
له مدةٍ صفحة الماضـي يراجعهـا
الوقـت مـادوم صافيـةٍ مشاريبـه
لابد من ساعـةٍ تشكـى مواجعهـا
الادمي ضيـف والدنيـا معازيبـه
والضيـف لازم معازيبـه يودعهـا
لو شاف من ثغرها بسمه وترحيبـه
لابد روحه ملاك المـوت نازعهـا
شيٍ كتب في سجلـه لازم يصيبـه
اقـدار الامـه مـوقـةٍ مدافعـهـا
واللي تذم البخت وانتـه تسابيبـه
مقياس جيد السلع جودة مصانعهـا
مـا كـل طيـرٍ يعشنـه مخاليبـه
ولا كل لقمه تسـد لجـوع جايعهـا
كم مستريبٍ ولا بانت بـه الريبـه
وكم من نزيهٍ عبات الشـك قنعهـا
السيل غير مساره عـن مساريبـه
روس الخليقه مشت مع درب تابعها
بيـت الشكـالات مرخـيٍ فطانيبـه
اهل الودايع تخلـت عـن ودايعهـا
ولاعاد للبعـض لاقيمـه ولاهيبـه
من يوم بعيونهـا بـادت طبايعهـا
وصار القياس الحقيقي للرجل جيبه
والناس شالت ضررها في منافعهـا
من زاد ماله لزوم تزيـد اصاحيبـه
لو صملته لا لفحها القيض ميعهـا
ومن قل ماله تبـا تكثـر عذاريبـه
لو كان لا كبرت الدعـوى يسنعهـا
يقل سعر الفشـق سبـت مكاذيبـه
وتوزن حمول الاصايل من تهجرعها
والرجل ما يشبل الا فـي ذواهيبـه
ماهو عصا للبشـر ويـرد تايعهـا
مايعترض كلمـةٍ ماطلعـت شيبـه
بضاعـةٍ بيـن سايمهـا وبايعهـا
من يعترض في نحاة السيل ينحيبـه
لو كان نفسه هواهـا مايزعزعهـا
رحاة جاشٍ برمها الوقـت ولهيبـه
وفاعت هجوس الفكر من حر لايعها
من صلوها قلط الكيـف لشواريبـه
فنجال من دلـةٍ مالوقـت طايعهـا
عقدٍ من اللول منظـوم اللواعيبـه
في جيد من ذيروها مـن مراتعهـا
الشاعر سعود القت

محمد ابن عقوب · #2 28-Sep-2006, 08:53 AM

ديــحــانــي مــشــكــور ومــاقــصــرت على نــقــلـك الــرائــع و الــراقــي

الادمي ضيـف والدنيـا معازيبـه=والضيـف لازم معازيبـه يودعهـا
لو شاف من ثغرها بسمه وترحيبـه=لابد روحه ملاك المـوت نازعهـا

صــح لــســانــك وصــح لــســان الــشـاعــر ســعــود

ســـلــمــت أنــامــلك ولاهــنــت يــاذيــب

دمـــت بــلـخــيــر والـــمـــوده

ديحاني · #3 29-Sep-2006, 04:48 AM

صاحب صاحبه

صح بدنك والله يعافيك يالقرم

برق الوسم · #4 02-Oct-2006, 05:42 PM

ديحاني
تسلم وتسلم يمينك على النقل الرائع
والمميز للشاعر الرائع سعوووود القت

لاهنت اخوي ديحاني ولاعدمتك ولك تحياتي برق الوسم

ديحاني · #5 03-Oct-2006, 05:07 AM

برق الوسم هلابك يالقرم وصح بدنك