(( إلـــيـــكــم هـــذه الـــرائـــعـــه ووقــــت مـــمـــتـــع ))
رؤيا منامي ذكرتني بلاماك=وفزيت أقدم للبشير البشاره
هل تعلم أني واحد من ضحاياك=قتيل حرب .. مثل حرب الحجاره
ليتك مصوبني برمحك وشلفاك=الموت من يمناك ماهو خساره
لكن ذابحني بهجرك وفرقاك=مدري متى تسمح لنا بالزياره
شربت سحر البابلي من شفاياك=شراب ضرمانٍ شرب له زقاره
يوم أني أزيح الشعر عن محياك=وأيدٍ يمين الجيد .. ويدٍ يساره
وأن طاحت الدمعه على كف يمناك=حرارة الدمعة تداعب حراره
يامن خلقك الله بحسنه وسواك=أشوف فيك من العبارة عباره
وأحلف وأقدم لك رهن .. وأتحداك=مالك شبيه إلا ظبيْ الزباره
و الأشقر اللي كل ماقمت غطاك=شقار بشت فداويٍ في الإماره
واليا نطحت الريح وألا تقفاك=شبح .. شبح صدام بُدي وقماره
ماقط سافر فيه هذا ولا ذاك=شبح وزيرٍ عند باب الوزاره
الـــشـــاعــر الـــمــبــدع // ســـلــطــان الـــهــاجــري
((( شـــبـــح الـــوزيــــر ))) 
رد: ((( شـــبـــح الـــوزيــــر ))) 
