اقفى وانا قلبي معه وين مـاراح = راع العيون اللي هدبهـا ظليلـه
ياسعود احبه حب صادق ونصاح = عليه اجر الصوت مابغـى بديلـه
وجدي على اللي نهدها تقل تفاح = والجسم من بين العذارى نحيلـه
شقرا عليها الزين ياسعود وضاح = عنق المها اللي منسرب من مقيله
لاتلومني ياسعود سدي لكم بـاح = بيح ضميري صاحبي في رحيلـه
كريم يابـرق علـى دارهـا لاح = دونه زمت روس المزون الثقيله
اخذت لي سجه مع البرق سـراح = واللي يحسب البعد ياعزتـي لـه
عسا الحيا بديار هاف الحشا طاح = من وابل الكنه عطا الجال سيلـه

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه