السلام عليكم ورحمة الله وبركاته ,,,
قصيده عجبتني وكلماتها قويه جداً وحبيت انقلها لكم .... ليش نزلتي عيونج إرفعيها وطالعيني والا يعني إنحرجتي يوم جاوبتي سؤالي..!!
ليش نـزلــتي عيـونـج إرفعيها وطـالعينـي
والا يعني إنحرجتي يوم جاوبتي ســـــؤالي
ليش قلتي لي أحبــك ليش كنتي تخدعيني
ليش قلتي لي حبيبــي ليش قلتي لـــي ياغالي
كان ممكن ما أحبج كان ممــــكن تتركيني
كان ممكن من بدايه تخـــدعي غيــري بدالي
ليش أنا بـ الذات يعنـي ليش قولي جاوبيني
بعد غدرج خبريني وقولي بـــس شلي بقالي
والله إنـي ما جرحتج ليش أنتي تجرحيني
هنت على قلبج حسافه وإنقضت أجمل ليالي
والقــهر لـ الحين أحبج وادري إنــــج ماتبيني
والمحبه من طـــــــرف واحد نهايتها زوالــــي
كان عمري بـ ايدينج قولي وش كـان بـ ايـديني
أذكــــر إنه من غلاتج كان قــــدرج فوق عالي
كنت أتجاهل وأطنش يــوم نــغزاتج تجيني
وكنت أقول الحب أكبــر من تصـــرف لا مثالي
أبغــي من وقتج دقيقه وليت أنج تمنحيني
بس أبا أقولج ثلاث أشياء وأروح أمشي لحالي
أولا فعـــلا أحبج كنتـــــــــي قلبي وعيني
وكانت الدنيا بـ وجودج شي روعــه شي خيالي
ثانيا عـ اللي بدر مني دخــيلج ســــامحيني
يمكن أنه زل لســـــاني وقلت إنج راس مالي
ثالثا أسألج بالله وأطــــــــــتلبج لا تذكريني
احرقي كل القصايد وانسي أشواقي ووصالي
المهم إني أببعد وأنت روحــــي وأتركيني
ارجعيله ومثلــــــي دور البريئه اللي تبــــالي
وفي النهايه قبل ما أنسى بـ قولج كلمتيني
تـــرا هذا اللي تحبينه هو محمد ولد خالي!!
مـــنــقولــه
ياويلي على حاالي خطيييييييييييييرة *_^ 
عيوون المهااااا
ليش نزلتي عيونج إرفعيها وطالعيني 
