العنزي يرد على قصيدة الشراري في الطائرة ورد الشراري عليه.

--------------------------------------------------------------------------------



قصيدة الشراري الاولي

ودعت ناجح من مطار القريات
يوم اركبونا الطائرة واشلعتنا

لفت ودارت وامرجت بين لحظات
لولا المحازم الكراسي ضربتنا

طاروا بنا حمر العلابي خواجات
صغر العيون وجيههم هولتنا

تكفى تشهد يافهد واقرا آيات
الموت جانا والظروف اجبرتنا

جانا المضيف وقال وش فيه خدمات
قلت نزلونا بطونا موجعتنا

من قبل أشوف الغيم من دون السموات
واليوم أشوفه يافهد من تحتنا

عزالله إني ماحسبت الحسابات
والا ترى سيارتي موصلتنا

يازين ممشى الأرض لو هي مسافات
لنا بشعيب مجهزين قهوتنا

وش جابني للطائرة والمطارات
والله ماعود ركوبها لو نزلتنا

لو تنفجر قامت تذيع المحطات
رح عاد دور قشنا مع جثثنا

*******

رد العنزي عليه

يامودع ناجح بمطار القريات ** قصتك لو تضحك ترا حيرتنا
ياليت ماقالو ترانا شرارات ** ليت الخوي قال لخويه سكتنا
هذي قبيله تنعرف بالشجاعات ** كلن تقول من القبايل غزتنا
بالطايرة لو مت من عرض من مات ** ولاقلت ان الطايرة خوفتنا
بالطايرة خايف وبالقلب دقات ** قلت العيون اللي تبينا بكتنا
لاتفتخر بالخوف وتسجل ابيات ** ولو انت ماسجلتها ماشمتنا
الناس يابن الناس ترقا درجات ** هذي تجارب وقتنا علمتنا
شف الشجاع اللي رقا بالطويلات ** فوق القمر يحمل علم مملكتنا
سلطان ابن سلمان زبن الونيات ** اللي فعوله بالدول شرفتنا
هذا كلام الوايلي بالاشارات ** يوم الشمالي قصته زعلتنا
والختم صلو بسم رب السموات ** على الرسول المصطفى خاتمتنا

*******

رد الشراري

هذا حديد مايعرف الشجاعات ** ولاهو آدمي وتخوفه مرجلتنا
عنتر بلش بالثور صابه مخافات ** .... ....من بلشته وثمتنا
يالوايلي لاتشك مابنا مشكات ** الاوادم كلها عارفتنا
حنا نحب الضحك بالشعر وابيات ** لو قلت خوف الناس ماصدقتنا
كل ماسمعته بالقصيده دعايات ** لايصيبك شك الطايره خوفتنا
المرجله ماهنا عليها شهادات ** ان ماشريناها تراها شرتنا
لو ندعي بالخوف مزح وخرافات ** والحرب خطه للجيوش اجهلتنا
اليا انسحب يرجع بقوه وهجمات ** لين العدو ينحاش من منطقتنا
وان كان سلطان ارتفع للمجرات ** قبله امريكا وروسيا سابقتنا
خل المحاور بيني وبينك بالذات ** لاادخل الامار في سالفتنا

هههههه


مداعبه جميله بين الشاعرين

لاهنت اخوي الديحاني على القصيده والرد



تقبل تحياتي

وان كان سلطان ارتفع للمجرات ** قبله امريكا وروسيا سابقتنا

اما هالبيت مسكت

مشكور اخوي ديحاني على النقل
المميز الله يعطيك العافيه

ارق التحايا

ههههههههههههههههههههههه
ياسلام عليك ديحاااااني مشرفنا الغالي
والله ماقصرت على هاالجهد الرائع ومساجله
رائعه ووناسه لاعدمتك وهديه مقبوله وغالي من غالي
الف شكر لك ولكل جهد تبذله ودمت بخير ///بس لي عندك
طلب تكفى اذبح بونااااااادر بالاسئله هههههههههههههههه
تقبل تحياتي اخووووووووك برق الوسم

__________________

رائد سعود المطيري

ادارة المنتدى

مروركم يهمنا ويعطيكم العافيه

زين المثايل

حياك الله ياغالي

برق الوسم

هلا وغلا بنور المنتدى ياغالي

صح بدنك وابشر ابونادر ازهله

الناس يابن الناس ترقا درجـات= هذي تجـــــــــارب وقتنا علمتنا
شف الشجاع اللي رقا بالطويلات= فوق القمر يحمل علم مملكتنا
سلطان ابن سلمان زبن الونيات= اللي فعـــــوله بالدول شرفتنــا
..
ياسلام على هالمساجلة الرائعة وشعرائيها ألاروع لكن اعجبني رد العنزي

اخي الديحاني عاجز عن الشكرلك أولا على ألاهدا وثانيا علىاختيارك المميز .
تسلم يمينك يالقرم على النقل لاهنت . والهدية من غالي محلها القلب ,


تقبل صادق الود وفائق ألاحترام .


ابونادر
..

__________________

ابونادر هلا وغلا

صح بدنك واللي يعجبك يعجينا طال عمرك

لاهنت على تواصلك