شغلني حزن بعينك غـدا واضـح شـرات الشمـس=كسرني دمعك الحايـر مـا بيـن الجفـن وأهدابـك
وشتتني صدى صوتك همس لي في فـؤادي همـس=وبعثـر كـل أحاسيسـي وأشواقـي مـن أسبابـك
حزين .. ولي متى تكتم ؟ وتطوي ما مضى لك أمس=تكلم قول .. علمنـي .. وفضفـض بالـذي صابـك
عيونك توحي بضعفك .. كلامك .. والحواس الخمس=شفاتك ترتعش .. رمشك ، سكوتك أتلـف أعصابـك
ورجفة جسمـك ازدادت .. أنـا حسيتهـا باللمـس=كأنـك صابتـك حمـا وشـبـت نــار بثيـابـك
علامك ترتبك دايم ؟! .. أنا جسيـت نبضـك جـس=لقيتك شـارد ذهنـك .. حضـورك يشبـه غيابـك
وشفتك خايف النظرة .. ومتشتت .. ولا لـك حـسك=أنك وسـط (ه) العالـم وحيـد .. فاقـد أصحابـك
عيوني كـل مـا تسـأل تجاوبهـا عيونـك : بـس=أنا اللي فيني يكفيني .. وأنت الحيـن وش جابـك ؟؟
غريبة كل أطوارك .. مريض جنـون؟! وإلا مـس=حقيقة حالتـك صعبـة .. حبيـب مفـارق أحبابـك

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه