((المزيونــــــــــــــه))

برق الوسم · #1 07-Jun-2006, 09:44 PM

حبايـــــــــبي
لكم هذه المتواضعه
مع كل الحب من القلب
محبكم برق الوســـم

ياسمي اللي مع الـذود مزيونـه=باالمزاين رشحوها علـى الفاطـر
يوم جت قدم المغاتيـر مشطونـه=من حدمها بااول الـذود للناطـر
لايق(ن)حمر القلايد علـى لونـه=تو0جت من مرتع(ن)عله الماطـر
مرتع(ن)قدرجه الوسـم ومزونـه=لين عشبه فاح مع ورده العاطـر
يوم اجي بيتك تراجعت من دونـه=وفي عيوني عبرة(ن)تكسر الخاطر
مع غلاك أتيـه والدمـع ياهونـه=دمعة(ن)لاهل الهوى تتعب الشاطر
صرت انا وياك ليلـى ومجنونـه=نعنبو حيك نبـا نهـج ونخاطـر

عيون المها · #2 08-Jun-2006, 03:40 AM

مساء الخيييييييييييييييرات يابرق الوسم
وش هالحركات والابداعات ..

يبه صح اللسانك ودمت على الف خيييييييير

قصيدة رائعه بحق وخصوصاّ ..

صرت انا وياك ليلـى ومجنونـه نعنبو حيك نبـا نهـج ونخاطـر

اخوي برق الوسم لاتحرمنا من قصائدك الرائعه

ترى اخر الليل ومدري وش جالسه اكتب
خخخخخخخ ..

بطلع لااعيد الكلااااااام ..

لمن شئ واااحد مهما نكتب ماراح نوفيك حقك ..
وسلاااامتك ..

أبو صالح · #3 14-Jun-2006, 12:37 AM

ما شاء الله عليك أبو عبد الله أثرك شاعر وحنا ما درينا ؟

عموما صح لسانك وشكلي باستضيفك بأمسية شعرية عندنا إنشاء الله

برق الوسم · #4 14-Jun-2006, 01:54 AM

بو صالح هلااااااااااابك وباالامسيه
واللي يرضيك هو المبارك

والله حطيتوني ابو عبدالله وابو وسم
واخيرا ماادري وين تحطوني
تحياتي لك واعجابك هدفي
محبك برق الوسم

الموج العابر · #5 15-Jun-2006, 07:47 PM

رائع واكثر الرائع يالبرق

دمت لمغليك

برق الوسم · #6 15-Jun-2006, 10:27 PM

اخوي الموج العابر واشراقتك تشرفني وتسعدني
والله لايهينك اخوووي على المرور
((وزين ماحطيتني ابو00000000
لك كل الغلاااااااااااااا
والتقدير لشخصك الكريم
احبكم
برق