وين الرفيق اللي على مواصفاتي.. = وقت الرخاء والضيق يضحك حجاجه
يزيد مع زود الليالي ثباتي.. = ما فيه لا مال الزمان انعواجه
مليت من رفقة كثير الشماتي.. = دايم أنا وياه هوش ولجاجه
عيت صفاته تنطبق مع صفاتي.. = وأفكارنا ما تقبل الاندماجه
ضحيت من شانه على حساب ذاتي.. = أهين نفسي واتحاشا إحراجه
مافادني صبري معه والسكاتي.. = حتى لو انه ضايع في عجاجه
مير الردي ما يعرف التضحياتي.. = اللي يعرفه مكسبه من خراجه
لا صار ما له مصلحة ما يحاتي.. = يبيني اتبع مسلكه وانتهاجه
ما حثته نفسه على الطايلاتي.. = بيس المزاج وبيس منهو مزاجه
عجزت اعدل عوجه المايلاتي.. = بعض التغاضي والمجامل سماجه
واليوم قررت اشطبه من حياتي.. = معاد لي في رفقة النذل.. حاجه

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه

أنا رفيقك بالليال المعاسير=وإلا الرخاء كلٍ يسد بمكاني

رمانة القلب محرقها أنت بعيونك = وإلا عراويه قاضبها أنت بيدينك
يابعد فرقك على ناس ٍ يمارونك = لو يوزن الزين مالت به موازينك