نزلت راسك يوم ماطالك انسان=واليوم انا ماطالبك تذكريني
مسموح لو رحتي مع فلان وفلان=مسموح بوقي واجحدي وانكريني
لانتي البصر كله ولانيب بعميان=روحي وغيرك صادق مشتريني
واليوم ماني للمواصيل شفقان=واحس مابه شي بينك وبيني
زارتني الزهره على كفوف نيسان=وشميت فيها لهفة العاشقيني
مارست معها الحب باحساس فنان=حلفت ماتقطف ورقها يميني
ما ارضى اكون بيوم ناطور بستان=هذا انا ياشارده وافهميني
روحي وانا لو ضامني درب الاحزان=بلا غرور احلى الصبايا تبيني
مشكور اخوي الغالي راع البويضاء على النقل
وصح لسان الشاعر00واخوك قام بتنسيق القصيده
ارجو ان تسامحني ولك صادق تحياااااتي ومودتي
اخوك برق الوسم 
لهفة العاشقــــــــــــين 
