ماكل عكف الشوارب طيب مفتوله=كل شارب له مقص اليا قصر طالـه
والناس للنـاس شيالـه ومحمولـه=ولا كل حمل يبـي يقـواه شيالـه
بعض الحواجب على الطولات مفلوله=وبعض الحواجب على العثرات نزاله
والحر إذا ما أرتفع مايقبـل نزولـه=والبوم لو يرتفـع بالقـاع منزالـه
نفس من الوقت والايـام معلولـه=ونفس عليله من الرجـال وافعالـه
من يرتجي من سحاب الصيف هملوله=يموت ضامي قبـل يـذوق همالـه
والرجل لا صار شيخ وابن حمولـه=يضفي على الربع والمحتـاج بجلالـه
لاصار شفق على الناموس والطولـه=مفروض ماتنزل افعاله عـن اقوالـه
والمهبد اللي يرد القـوم فـي قولـه=مسرد حكي في مجالس ناس حثالـه
حمامة الوجـه مـن يمنـاه مقتولـه=ما للحيـا فيـه دم يشربـه فالـه
وعز الله إن الحميـا فيـه مشلولـه=رخو نهار العـزاوي تقصـر حبالـه
الشيخه الزايده وابليـس وطبولـه=خلن عمى القلب يمشي شايف حاله
ليته عطى صغر عقله من كبر زولـه=او ليت زوله نفع مـن لاذ بظلالـه
خبل يدربي سلـوم البـدو بنعولـه=يطيح قدره تحت رجليـه ماشالـه
أبواب كل المراجـل عنـه مقفولـه=والنعم كايد عليـه ولا يتهيـا لـه
ياوسع بيتـه وياعرضـه وياطولـه=ويا قل جود العفين وياكثـر مالـه
مثله إذا ما استحى من هالبشر حوله=على الأقل يستحي من ميلة عقالـه
ودام يتذرى عن ضيوفه اليا جولـه=حلال وسط المجالس دفـق فنجالـه
لكن نصيحه لوجه الله قولـوا لـه=لو يلبس ثياب اخته يمكـن أشوالـه
قــصـيــده ررررووووعه 
رد: قــصـيــده ررررووووعه 
