ياهجوسي غردي فوق الرفيعه=في سماء الصمان جيانه وبره
واهدي الدوشان من زهرة ربيعه=سلميها لكل شيخ في مقره
شيوخ شمل مطير وحصوناً منيعه=هم ذراء الصمان عن برده وحره
وربعي المطران فرساناً شجيعه=من زبنهم قابله علماً يسره
بالأدب مثل مشايخة الشريعه=وبالمعارك مثل عقّال الأمره
من يبى الصمان حنا ما نطيعه=مايجيه اللي نواله بالمضره
فيه حسادٍ لنا سنه وشيعه=والحسود يموت من غيضه وحره
من خلقنا ما رضينا بالهزيعه=والعرب كلٍ معه خيره وشره
من بعدها عوده الفكر السريعه=حفلنا وموضوعه الزاهي نمره
جعل برقٍ بالسماء يكشف لميعه=ينحدر سيله علي الضلع ومجره
يسقي الصمان جيانه وريعه=من هماليلٍ علي الساقه تغره
الشهر يكمل ولا ينقص نقيعه=من فضل ربي علي خلقه مبره
لين عشبه يشتبك من كل نيعه=وام سالم صوتها وسطه تجره
وراعي البل قاد بالأرض الوسيعه=وكل جوٍ يعجبه بالجيب فره
قدم وضحاً ما نواها بالمبيعه=عند أهلها درةٍ وأيات دره
مغترٍ مزيونةٍ لون وطبيعه=راعي المليون فيها ما تشره
هي رفيعه وقيمة الغالي رفيعه=قالو العراف حلوه مير مره
شجعوها اللي مكانتهم رفيعه=بالدراهم صرةٍ من فوق صره
الجبيل أحسن صنيعٍ من صنيعه=وصاحبه فواز يا للاه دره
كل واحد قدم اللي يستطيعه=يابعد من يجمع القرش ويصره
من كرمهم منزلتهم بالطليعه=والبخيل بخيل ماله ما يسره
جعل بقعاء في مناكبها تليعه=وجعل غاليه المساء ثوبه يقره

ياتافه الناس تبطي ماتجي قدي=لاكبرت السالفه دمعتك مذروفه
ماتعرف الهزل يالتافه من الجدي=ماتدري ان البلد بالليل محيوفه
خلك بعمياك مع هاته على ودي=والياقربت الخطر غنيت معزوفه