ياصاحبي ياعزوتـي وياغناتـي= القلب هاوي والحبايـب بخيلـه
جيت أشتكي همي تنثـر شتاتـي= أشكيك من خـلٍ تناسـى خليلـه
أبوعيـونٍ بالهـدب ساحراتـي= من نظرةٍ طابت مشاعـر عليلـه
وخدٍ بنـوره تـل قلبـي وذاتـي =يرسل شعاعٍ شدني قمت أجيلـه
حلو الشفاه الريق سكـر نباتـي =يروي ظما الخافق ويشفي غليله
أبوجـديـلٍ مـيـزه بالبنـاتـي =لا وآهني اللـي تلحـف جديلـه
يازين زولـه لامشـى بالعباتـي =متناسقٍ جسمه وعـوده وميلـه
شفه وتعذر اللي تعـذَب سواتـي =وحده سكن بالقلب ماأرضى بديله
قربه دواي وفرحتي في حياتـي =صابر وأبصبر وماباليـد حيلـه
وش حيلتي هو مطلبي وهو مناتي =إفزع ياأبونادر وهل من وسيلـه
وإن جاك يومي وأدركتني وفاتي =أوصيك تحفر لي قبر في شليلـه
حييت يالمرسول بالمرسلاتي = واغلا تراحيب الكلام وجميله
اهـــلاعدد ماهلت المرزماتي = بالقاف واللي مرسله والقبيله
من شاعرا هزه هواء المترفاتي= هز الغصون المايلات الثقيله
الله حسيب اخت العنودالمهاتي= مع دربها راع الولع بادحيله
لاشـاف منها نظرة باللتفاتي= حارب لذيذ النوم لوطال ليله
سـلايل كحيلان بعدالسكاتي= اليوم سـده باح واظهر حصيله
قلبه صخيف وبحر الاشواق عاتي= والحب روس قاسية تنحنيله
كان الجمال اللي يقوله ثباتي= اللي يلومه جعل ربي يزيله
يبي الفزع والحل غير الوصاتي= والمشكلة لولا الرجاء مستحيله
ابا اجتهدقبل يفـوت الفواتي = ماوالله اذخر يامطيري وسيله
انا معك بالروح حتى المماتي = موت(ن) بعز ولاحياة الفشيله

المشاركة الأصلية كتبت بواسطة خالد الرشيد الله الله سلايل كحيلان صح لسانك مليون والله يعينك وعز الله عرفت من تسندها له وأنت يا أبو نادر عز الله ما جبت إلا الحكم إيه والله وصح لسااااااانك مليون كل بيت أقراه وأرجع أقراه مرة ثانية من الزين إللي فيه كان الجمال اللي يقولـه ثباتـي /// اللي يلومه جعـل ربـي يزيلـه لا والله ما ينلام والله يلوم إللي يلومه

المشاركة الأصلية كتبت بواسطة النقل الجماعي صح لسااااااااااااااان سلايل كحيلان ولسانك يابو نادر قمة الورعة والوصف ونتمى ان تتحفونا بكل ماهو رائع وجديد وخاصة لشهرتكم في مجال الشعر اتمنى ان نسمع المزيد