برق الوسم / لـ( أبو مساعد ) - <font color="#009900">شـعـراء الـحـمـاديـن</font>

خالد الرشيد · #1 08-Oct-2005, 05:04 AM

مثل المزون إليا أمطرت جوف يباس=شاقتني أخباره على الطيب مرسوم
جتني علو م الطيب في طيب الساس=في سمعة الوسمي ولاهو بمذموم
طيب ونسل أجواد نرفع به الراس=يرعد فعول رجال ويبرق على القوم
المرجله وياه من غبة الساس=وافي ولد وافي ولا جاله اللوم
خيال شعري فيه حشمه ونوماس=وأهتز قاع العقل في كل منظوم
معرب الجدين وبالفعل مقباس=برقٍ على برق المسمى ومحشوم
برق الوسم لا صار بالقلب هوجاس=ينصاه من قلبه على الهم مكتوم
ملفا الرجال اللي تخافت على الياس=يسل سيفه يا زمن جاك زيزوم
وليا عودت أبوصفه درةَ ألماس=جنسه قليلٍ بالعرب دايم الدوم
وختامها صلوا على سيد الناس=المصطفى محمد وهو خير مختوم

ابوجراح · #2 08-Oct-2005, 05:50 AM

وانت سالم وغانم
وصح لسانك وكفو ويستاهل ابونادر الاهداء
ولاعدمناك يالغالي
مشكور وماقصرت
في امان الله وحفظه

راعي الدهماء · #3 08-Oct-2005, 05:06 PM

صح لسانك يابن رشيد ولاهنت القصيده الجزله فعلا ..

ويستاهل أبو نادر كل خير .. وماشالله عليك بدايه طيبه وقويه لك معنا بالمنتدى ..

وننتظر جديدك ...

تقبل أرق التحايا من .. أخوك .. رااعي الدهماء

شيخ الحمادين · #4 09-Oct-2005, 01:34 AM

صح لسانك يابن رشيد ولاهنت القصيده ..

ويستاهل أبو نادر .. وماشالله عليك بدايه طيبه بالمنتدى ..

وتقبل تحيات
اخووك
الـــحـــ شيخ ـــمـــاديـــن

ابونادر · #5 09-Oct-2005, 02:51 AM

هلا وغلا ومرحبا فيك يابومساعد

القصيدة وشاعرها على راسي تاج وعلى صدري وسام وفي قلبي شريان

صح لسانك ودام ابداعك وعاش فكرك كرم معهود منك وجود معروف عنك فلا يستغرب الطيب من اهله

خالد الرشيد صدق اني اسعد واحد في هذا المنتدى بانضماك له وليعذرونني اخواني وزملائي على مشاعري نحوك لانهم لايعرفون مابيننا وسوف يحبونك اكثرمني عندما يعرفونك مثلي .

شكرا لك على الاستجابة وتشريفنا ودمت لي سالما للابد ،،

تقبل أرق واصدق التحيات وتقدير الاحترام

اخوك

ابونادر

فهد الشخر · #6 09-Oct-2005, 03:00 AM

صح السانك يا ابو مساعد

قصيده جميله ويستاهل أبو نادر

احتر///////مي

خالد الرشيد · #7 09-Oct-2005, 04:01 AM

هلا بك يا أبو جراح

وصح بدنك

وتستاهل الطيب

لا هنت

خالد الرشيد · #8 09-Oct-2005, 04:02 AM

هلا بك يا راعي الدهماء

وصح بدنك

وتستاهل الطيب

لا هنت

خالد الرشيد · #9 09-Oct-2005, 04:02 AM

هلا بك يا شيخ الحمادين

وصح بدنك

وتستاهل الطيب

لا هنت

خالد الرشيد · #10 09-Oct-2005, 04:06 AM

هلا بك يا ابو نادر

ويسلم راسك ويسلم صدرك ويسلم شريانك

وصح بدنك وتسلم والله

وما عليك زود وخيرك سابق الله يبارك فيك

وصدقني أنا يا أبو نادر أسعد بكثير وبكثير لأني متواجد معكم

وأنتم يا الحمادين معروف فعلكم ومعروف طيبكم

وأنتم أهل كرم وأهل جود

والطيب ينحب وأنتم تنحبون إيه والله

فلا تلومني يوم إني أقول إنكم محبوبين

تعرفت على كم واحد حميداني عز الله ما شفت منهم إلا كل علم غانم

وريجاجيل وقت المواقف نلقاهم إيه والله

وأنت واحد منهم يا أبو نادر

لا هنت وبيض الله وجهك

خالد الرشيد · #11 09-Oct-2005, 04:07 AM

هلا بك يا فهد الشخر

وصح بدنك

وتستاهل الطيب

لا هنت

بندر ابن مبرد · #12 09-Oct-2005, 06:45 AM

خيال شعري فيه حشمـه ونومـاس
وأهتز قاع العقل في كـل منظـوم

ومن قال سالم وصح لسانك على هاذه الأبيات الرائعه

ونريد منك المزيد

تحياتي

خالد الرشيد · #13 09-Oct-2005, 06:51 AM

هلا بك يا بندر المبرد

وصح بدنك

وتستاهل الطيب

لا هنت