يا وليفي وش وراء الوجه الضحوك ؟! = ماخبرنا من سراب أحدٍ شرب
مانبي وردٍ يجي مخلوط شوك = ياعنب لبنان يامشمش حلب
ياحرير ماخلط سلكه سلوك = اصفهاني نقش تبريز وقصب
ندري إن الله عطاك ولا عطوك = من قدمك إلى شعر رأسك ذهب
ما ملكت القلب ورث ولا صكوك = مالكه باللي .. يهز أطلق شنب !!
الهوى يهتز له عرش الملوك = كد خضع له قدمنا فرس وعرب
كيف أنا اللي .. يوم شفتك قلت دوك !! = مايصد القوم من سيفه خشب
ينتصر لي .. من نصر غزوة تبوك = ماتحت رب يقوي ليا غلب
لا تغرك كبرياك وعز أبوك = الغرور أردى نصيب أبو لهب
قل لــِ أهلك اللي علينا دللوك = كل غصنٍ لا قسى عوده ... خرب!!