ياغنيم قالولي مريضٍ لك أيام=وعن قدرة الله مايفكون الأقراب
جاني خبر وأنته مسافر على الشام=ورفعت طرفي يم فراج الأكراب
رفعت طرفي يم من يشفي الأسقام=اللي شفا لأيوب عقب المرض طاب
أرفع يدي يومن بعض العرب نام=وأطلب كريمٍ من ترجاه ماخاب
يشفي الرفيق اللي على الطيب جزام=اللي ليا جاء لازمي فيه ماغاب
ماطاع فيّه هرج حاسد ونمام=أفخر بطيبه بين الأقراب وأجناب
غنيم جزامٍ على الطيب عزام=لي صافي الرفقة اليا عد الأصحاب
ياما وياما شال عني من الّزام=بروحه وماله ماقفل دوني الباب
أخوي ماجاء من صلابي والأرحام=لا شك فى طيبه معي ماله حساب
رفيق مامثله رفيقٍ اليا قام=وياكثر ماعني تحمل للأصعاب
يومٍ بعض الناس رفقتهم أوهام=وليا بدا اللازم غدا عنك مرعاب
جربتهم لعلهم تحت الأقدام=لعلهم يفدون لغنيم وذياب
ولا طيع أنا بغنيم حاسد ولوام=أخوٍ يعاوني على حل الأنشاب
عبرت عن ماكن قلبي بالأقلام= أكتب وأنا محزون والدمع سكاب
الدائم الله والبشر ماحدٍ دام=وأطلب من الله لا يعجل بالأسباب
تمت وصلوا عد من صايم صام=على النبي الهاشمي عرب الأنساب

رمانة القلب محرقها أنت بعيونك = وإلا عراويه قاضبها أنت بيدينك
يابعد فرقك على ناس ٍ يمارونك = لو يوزن الزين مالت به موازينك