قصيده للشاعر خالد الحميداني في أم عشر ((ولا أروع))
بسم الله الرحمن الرحيم
يسرني أخواني الأعضاء الكرام أن أضع هذه
القصيده بين أيديكم وأتمنى أن تنال إعجابكم
عسى مزنٍ بنوه حاجبٍ برق الخيال خيال=مراديمٍ على كل الوطى عزت هماليله
مجاهيمٍ ربابه كن صابه من هواه جفال=تغشى كل جوٍ في هزيع الليل ترتيله
كما ليلٍ طعن جوفه لميع البارق الشعال=بعد مأرخى اسدوله وانحدر فترت محاميله
تنثر من قوارير السحاب المرزم الهطال=اساريره تهلل والسما تشرب قناديله
على دار أبو جاسي علها للصادق الهمال=ربيع أهل القلوب اللي تباشر فيه واتجيله
تسيل من النفود لشرقي العبله لحد الجال=شهر لين القسومي في علوه ينزبر سيله
ربيعه مثل موجٍ ينكسر في جوفه الموال=سقاه الوبل رحمه كل تسبيحه وتهليله
علشان إن فيها للحبايب والغلا منزال=فداها كل حلمٍ للصبى كانت مداهيله
لها فعيوني أجمل صورةٍ للعز والأمال=وطن ودي لو أخذ من سنين العمر وأهديله
وفا ياديرتي يادار ربعٍ للوفا مدهال=أجل وإنكان ماقلت القصايد فيك منهيله
أشوفك في حبيبٍ يسرق النظرة وهو يختال=يشم ورودك اللي كنها خده وأغنيله
أغنيله ويسكت كل لحنٍ بالهوا لا مال=تكسر له قلوب ووين أسافر يا مضاليله
كثر هجره وأنا مشتاق لك وأشتاق له بأوصال=ولو زاد الجروح وجيت يمك تبت ماجيله
__________________
حميداني والحميداني بكيفه!!
التعديل الأخير تم بواسطة ابونادر ; 16-Oct-2005 الساعة 02:13 AM.
مشاركة: قصيده للشاعر خالد الحميداني في أم عشر ((ولا أروع))
السلام عليكم ورحمة الله وبركاته
مشكور اخي راعي الدهماء
ويعطيك العافيه
وارجو ان لا تحرمنا
من مثل هذه الدرر النادره والرائعه
** ملاحظه على التوقيع**
اولا /الدهما هي اللون( الاشقر)
وبيت الشعر يقول
انا شف بالي كل قب قحومي
طويله السيقان (صفرا) سبلتاه
والسلام ختام
تقبل تحيات
اخووك
الـــحـــ شيخ ـــمـــاديـــن
__________________ [poem font="Simplified Arabic,4,white,bold,italic" bkcolor="black" bkimage="" border="none,4,gray" type=0 line=0 align=center use=ex num="0,black"]
عزيت نفسي قبل لأعزي الغير أنا أشهدنه راح منـا فقيـده
فقيدة ٍ على الحمادين ومطير وعلى القبايل كلها والبديـده
أنا فقدت العز والجاه والخيـر مدري فقدت الطيب والا عقيده [/poem]
مشاركة: قصيده للشاعر خالد الحميداني في أم عشر ((ولا أروع)) 
