للتسجيل
 
 

العودة   منتديات الحمادين > المنتديات الترفيهية > منتدى الترفيه والمرح

منتدى الترفيه والمرح وسع صدرك .. نكت .. فرفشة .. وناسة .. والزعل مرفوع

الإهداءات
لامبارد اليوم 01:17 AM
أنــووووورت بــقـدووومتـكـ الــدااار يــاااغــاالــي ** وأسـفــرت مـن عــقــب مــاااعــاااد غــااايــبــهــااا** آووووورنـــس يــاااهـــلا مــلايــيــن********

حــالية الذوق يوم أمس 09:33 PM
من قسوة الأيام " جيتك " كارهٍٍ نفسي ********لو قلت لي وشفيك ؟؟ بكيت وقلت محتاااجك ,,, آورنـــــــس ياهلا وغلا نورت المنتدى برجعتك ************

الـــمـــلـــكـــي يوم أمس 06:57 PM
مــن فــوووق فــوووق الـجـبااال الـنـايـفـاات الــرواااســي أررررحــب بــآووورنـس وأقــولـه هــلابـك يا بـعـد روحـي هلابـك ************ تعال أحزان هالدنـيا غيابك ************ منووور المنتدى آوورنس

ســــلــــطـــان زمــانـه يوم أمس 06:04 PM
أول شي ابارك بفووز منتخبنا الغالي وأرحب بأورنس المنتدى الي وفد الأن لكم مودتي

عزيز النفس يوم أمس 05:17 PM
ياهلا وغلا في اورنس الحمد الله على السلامه المنتدى بدونك مايسوى بدون قصور اخواني واخواتي الموجودين وحنا مكملين البعضنا ******************************************** ************************************تحياتي للجميع

آورنـس يوم أمس 08:01 AM
من المملكة العربية السعودية ******** آورنـس باقي هنا ********ماراح **** شكراً لكل من سأل على اورنس ********شكرا لكم حبايبي ******** عزيز النفس احرجتني وربي **** ولكن معاتب شخص وهو يعرف نفسه وانتهت المشكله ********

رواء الرووح يوم أمس 04:19 AM
********}عــايش بهمي وحيدوقلبي من الهم واجد يموت الأمل فيني ويذوب قلبي من الحزن فاقدألوم الحب وماللحب ذنب غيرإنه جمع قلبين في حشاواحد’’ أتمنى رجوع أورنس المنتدى بحاجته’’{****

غالية الاثمان يوم أمس 12:16 AM
مساء الخير لجميع الاعضاااء ************ والف الف الف مبرررروووك فوز منتخبنااااااا ونشاء الله عقبال المباريات الجاااية *_*

ســــلــــطـــان زمــانـه 08-Jan-2009 03:53 PM
صبحهم بالخير يالربع كيف الحال انشألله بخير لكم مودتي


إضافة رد
 
أدوات الموضوع إبحث في الموضوع
  #1  
قديم 30-Jul-2005, 09:31 PM
اهـــــم واحد اهـــــم واحد غير متصل
[ فـعـال ]
 
تاريخ التسجيل: Mar 2005
العمر: 26
المشاركات: 160
Talking اللي ماهو رايق لايدخل بس موضووع دسم(بقلم حصيصه)

هذي الله يسلمكم قصه واقعيه من خيالي الفتاك....

اييه من زود الهم اللي فيني مالي غيركم اقرق لكم همومي

..(كنكم صدقتو؟؟خابرتكم مخفات)

انا الله يسلمكم ويحييكم يقولون اني بنت بين ستة عيال

..طقتني الهموم

وشيب ذ الرويس وانا توني في عز شبابي ..تجيكم قصتي :..

انا يا حصيصه يا محاتسيتكم تربيت بين كومة عيال جعلهم

اللي منيب قايله ..

لا اخت ولاشي..المهم بينما انا جالستن ذيك المره من

المراريت اقشم حب

ومادتن ذا الرجل اللي كنها مشاالله سيخ شاورما (خخخخخخخ

تف لا اله الا الله)

واذا باخوي الكبير طابن علي ..قال بحاتسيتس(بحاكيك)في

موضوع خطيير ..

قلت الله واكبر يا ابن لادن اللي يسمعك هات هاها وش

عندك..

قال شوفي تراك يا حصيصه محسوبتن علينا بنت فيذا العيله

وانتي ماهناش ..

وانا اللي اسوي استداره بهلوانيه واقشم حبتين فصفص في

وجهه واقول: افا ياذا العلم ..

قال اها عاد الى متى بشوفك جالستن تحت الجدار تحترين

عيال الجيران يصطحون الكوره

ثم تشقينها وتنطلينها في الشارع من زود النجاسه؟؟..

الى متى وانتي نافشتن ذا الكشه تقل قطوتن طابتن في غسال

موتر؟؟ ..

ترا ذا الحكي مدسوس من خيالي الى ام كشه بس لا

تعلمونها..

الى متى وذا الريحه المصصصصصنقه اللي ذبحت فيراننا

وفيران الحاره؟؟....

الى متى تراكظين ورا الصوارير بكنادرنا وتقطعين

زبيرياتنا؟؟...

مطفوق الحكي ذا مو لك ابد ابد..الى متا وملافظك كنها

ملافظ اكبر عربجي في الديره؟؟...

وانا اخوتس منتيب معرسه كذا اهجدي واركدي تراتس حرمتن

تاااامه ...

قلت بس بس بس يكفي تجريح بانوثتي يكفي (هو مير فيه انوثه

من اساسه عشان يجرحها)

ظف وجهك منيب سامعه شي ...ظف خشيشته الاخ وانقلع خابر

انه مافيني رجا ولا امل ...

هو طلع من هنا وانا اللي اقمز من هنا للسطح اكمل ممارسة

هواياتي ..

اجمع ذا الحصيان وانسدح على سطح الملحق افلق عيال الشارع

والقطاوه

(ليتهم ذابيني انتفض في فلسطين تسان زد حررتهم)..التفت!!


وما اشوف الا ذاك اللي يطل من دريشة بيتهم يزاعق .......

وبعد برهات دريت انه يحاتسيني انا..قلت خير ظايعن لك في

وجهي شي ؟؟

ظف وجججججهك..قال الا انت اللي ظف وجهك..!!!!هاااااو

وراه يحسبني ولد؟؟

انا اوريه ...قلت اها عاد بس لا يكثر لا اسفك بذا الحصاة

..

لا ابوك لا ابو اللي جابوك تفو عليك

(اكتشفت من خلال المعاشره اليوميه مع عيال عيلتنا عشان

اطلع بذا الموضوع ان اسلوبهم مااش ميييييح)..

قال امممممش تسفني انا الا انا اللي اسنعك واسنع ابوك

وابو اللي جابوك..

قلت هه هه ان تسانك ولد ابوك قابلني في براحة المسجد خل

اكففففخك (اسلوب انثوي بحت)......

فجاه!!!!!.....

اسمع شي يقول لا لا يا حصيصه انتي بنت ..حصيصه لا تسير

هذي ملافظك..

حصيصه انتبهي انتبهي ..قل لاء لاء لاء خلااااااص ارحموني

(فلم هندي تحملو شوي)..

مهوب ذمبي اني عايشتن بين عيال من وين تبون اجيب لكم

انوثتن منه؟؟

هاه علموني وانا اللي ما عرفت من اخواني غير لعب الكوره

والبلوت وتطعيسن معهم في ربوع الثمامه؟؟؟

وانا اللي اذب الحصى اللي معي واعظ طرف دراعتي واقمز من

سطح الملحق

( الله واكبر قرندايزر على غفله)..والتفت الا ذيك

القطيوه تاكل ظبان جايبهم لي اخوي محيميد ..

واتقوم عندي النخوه والشهامه وانهار ..واركض لرشاش اخوي

وافقع مصارينها بنت اللذينا

اخسا عليها من قطوه تاكل اصدقائي اللي مالي الا الله ثم

هم ..

وهي اللي تطيح مغشين عليها من هول ما جرى لهاوترافس

وترافس وتصايح مياااااو ميو ميو ..

حومت تسبدي واقوم ارفسها ذيك الرفسه قلت اها عاد موتي

وانتي ساكته لاتزعجينا ولا اسمع لتس حتس تفهمين

والا لا؟؟؟........واناظرها بقوه ابيها تفهم ..قوية

الوجه ما سكتت ..

قلت طاااااايب دواتس عندي..وامسكها مع ذنبها واقول بها

واقول بها واصطحها عند الجيران ..

وانفظ يدياتي ثمن رحت اخمد (شغل صعايده مهوب شغل

اوادم)...

يوم اصبحنا والبس هديمااتي واطلع مع الباب ...الا وش

اشوف؟؟!!...........

شابون وسيمون طالعون من باب البيت اللي قدامنا ..

وما احس الا ذا القلب قام يردح دردب ..دردب

..دردب..والعرقان تصببببببصب .........

واتلفلف زين بعبايتي لا يطلع مني شي ولاش ..واقمز اركب

في غمارة ددسنا المصون واروح للجامعه

(راعية تعلوم منيب سهله)..وكل ما طلعت الصبحيه اشوف ولد

جيراننا

ولاهوب يم احد شايل كتبه وطاق ذا النظارات اللي يارب لك

الحمد تقل بلكه وماشي في طريقه ..

شابون مؤدبون ماشا الله عليهي...لكن انا سرت افكر..لحد

متى انا بستمر كذا؟؟؟..

وارجع البيت واركض واركض واركض ..وادخل غرفتي واصبخ

الباب واحد راسي عليه واصيح.......

لا لا يا حصيصه لازم تتغيرين لازم لازم..مستحيل تستمرين

كذا على ذا الوضع..اصحي اصحي..لاء لاء لاء

..لازم اصير انسانه ثانيه معترف فيها من وزارة حمولتي

اني انثى ...

اللي كبري اللي مخطوبه واللي معرسه ..وانا مغير ادربي ذا

الدمجه وادابك ورا قطاوه وصوارير........

وانا اللي امسح دمعتي باقرب شرابن منطول على الارض وادق

على نوير رفيقتي ..

قلت نوير انا قررت اعتزل الفن واسير بنت صدقيه ...شلون

بس علميني؟؟؟.....

قالت ذي ولله الساعت المباركه اجل لا تشيلين هم يا حصيصه

...

واطير انا ونوير للسوق ونشتري ذا الكنادر السنعه شي

صنادل وشي كعوب واشكال والوان

وفساتين وتنانير وبناطيل وبرمودات وحركات ..ونظف انا

وياها من ذا الميك اب

(ميك اب=مكياج=milk)..ونروح للكوافيره وترتب شوشتي وتصلح

حواجبني وتزيني ..

وارجع لبيتنا واجلس في صالتنا متكتفه وحاطتن رجل على

رجل...

(يااااااي مرررره ياااااااي حبيت نفسي كذا) ...المهم

ويدخل واحدن من اخواني ثم فجاه يرجع

ويصد قال احم احم ياولد تغطو ...قلت تعال تعال هذي انا

حصوصه ....

قال مشا الله حصيصه صارت حصوصه لا يجي علم ..ويخر اخوي

ساجدا

ويقول يارب لك الحمد اللي استجبت دعوتي في توالي الليول

والله وصار لنا اخت مشا الله ..

عاد انا استحيت ورحت ..وكالعاده كل يوم اظف عفشي واروح

للجامعه في الددسن الفتاك المتعفط..

لكن الغريب ان ولد جيراننا الاحظه بدا يقزقز مدري وشعنده

ذا المختزي ..وش يناظر نعم نعم خير ...

وذات يوم (ما استحمل ذا اللغه الفصحى انا ووجهي)..جاني

اخوي قال يا حصوصتنا

ولد جيراننا جاني يطلبتس مني

وهو والله رجالن سنافي وسنع هاه

وشقلتي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!! !!!!!!!!!!



>


>عاد انا قامت الخديدات تلون ازرق واخظر واصفر

اليناستقرت على الاحمر ومغير اكل ذا الظفور..

قلت اللي تشوفه يخوي(وحده ما صدقت على الله)..

واركض واركض من زود الحيا وانا اللي ازلق ذيك الزلقه

واتكرفس لكن يهون في سبيل العرس

ومن الفرحه قمت نفظت عمري ورحت غرفتي..قلت اخييييييرا

...

واصبح الحلم واقع..وتزوجت ولد جيراننا ..ونسيت الماضي

الاليم وحياة المصبنه..

وبديت حياه جديده وعشنا في تبات ونبات وخلفنا انا وياه

صبيان وبنات ...

>
>وتوته توته خلصت الحتوته.........

وتقبلو احتراااااااااااااااااااااااااااامي وتقديررررررررررررررررررررررررررررررررررررررررررررر ري
رد مع اقتباس
  #2  
قديم 31-Jul-2005, 01:04 AM
الصورة الرمزية شموخ بريه
شموخ بريه شموخ بريه غير متصل
[ مـتـمـيـز ]
 
تاريخ التسجيل: Jul 2005
العمر: 22
المشاركات: 398
Smile مشاركة: اللي ماهو رايق لايدخل بس موضووع دسم(بقلم حصيصه)

هههههههههههههههههههههههههههههههههههههههههههههههه والله العظيم أحلى من طاش..........:d:dيعطيك العافيه ...

سلاااااااااااااااااااااااااااااااااااامي.......... .

((((شمـــــــــــــــــــــــــــوخ بــــــــــــــــــــــــــريه))))
رد مع اقتباس
  #3  
قديم 31-Jul-2005, 05:53 PM
اهـــــم واحد اهـــــم واحد غير متصل
[ فـعـال ]
 
تاريخ التسجيل: Mar 2005
العمر: 26
المشاركات: 160
مشاركة: اللي ماهو رايق لايدخل بس موضووع دسم(بقلم حصيصه)

هلا وغلا شمووووووخ بررررررررررررررررررريه

الله يرررررجك يابنت الحلال على طوووول ماعندك الاحلف وش طااااااش عند حصيصيه:D:D.......... واحد بدا فيه

الغروررههههههههه

اهم شي عندي الوااااحد يفتح خشته عشره بووووووصه خخخخخخخخخخخخخخخخخخخ........:D:D:D

وتقبلي احتراااااااااااااااااااااااااااااامي وتقديررررررررررررررررررررررررررررررررررررررررررررر رري
رد مع اقتباس
  #4  
قديم 12-Sep-2005, 01:14 PM
الصورة الرمزية راعي الدهماء
راعي الدهماء راعي الدهماء غير متصل
كبار شخصيات المنتدى
 
تاريخ التسجيل: Aug 2005
الدولة: دار جـــابــر
العمر: 25
المشاركات: 701
مشاركة: اللي ماهو رايق لايدخل بس موضووع دسم(بقلم حصيصه)

ههههههههههههههههههههههههههههههههه

الله يلعن سمو شيطانك ههه

يازين يوميات حصيصه بصراحه عجيييييييبه

الله يسلمك ولا تحرمنا من طرائفك الحلوة

تقبل تحيــــــــاتـــي : أخوك : رااعي الدهماء
__________________
حميداني والحميداني بكيفه!!
رد مع اقتباس
  #5  
قديم 17-Sep-2005, 09:38 PM
اهـــــم واحد اهـــــم واحد غير متصل
[ فـعـال ]
 
تاريخ التسجيل: Mar 2005
العمر: 26
المشاركات: 160
مشاركة: اللي ماهو رايق لايدخل بس موضووع دسم(بقلم حصيصه)

هلا وغلا راعي الدهيما

الله سمع منك 0.0.......0.0 واحد اول مررررة يدعى له هههههههه


ياحليلها حصيصه الله يذكرها بالخير هههههههههههههههههههه


مشكووور اخوووي على مرررررررررررررررررررررررررررررررروك


وتقبل احتراااااااااااااااااااااااااااااااااااااااااااامي وتقديرررررررررررررررررررررررررررري
__________________
رد مع اقتباس
  #6  
قديم 18-Sep-2005, 12:07 AM
الصورة الرمزية ابونادر
ابونادر ابونادر غير متصل
المدير العام للموقع
 
تاريخ التسجيل: Apr 2005
الدولة: الثامرية
المشاركات: 7,709
مشاركة: اللي ماهو رايق لايدخل بس موضووع دسم(بقلم حصيصه)

ههههههههههههههههههههههههههههههههه


هالحين ابونادر استانس حصيصه ماغيرها يامرحبا في هالخشه



تصدق من زمان اقول ليش ماجاب سالفة اختنا حصيصه


هذا الحكي السنع يابوالمشامش الله يخليك لنا يعنكنك سنافي



القصة الاوله طيحت الشباب والثانية الشيبان مثل ابونادر دحدرو ،،




اشكرك اربع وعشرين ساعة

هههههههههههههههههههههههههههه









....
رد مع اقتباس
  #7  
قديم 19-Sep-2005, 12:14 AM
اهـــــم واحد اهـــــم واحد غير متصل
[ فـعـال ]
 
تاريخ التسجيل: Mar 2005
العمر: 26
المشاركات: 160
مشاركة: اللي ماهو رايق لايدخل بس موضووع دسم(بقلم حصيصه)

هلا وغلا ابونااااااااااااااااااااااااااااااااادر

اخخخخخخخخخخخخخخخخخخخخخخخخخخخخخخخخخخخخخخخخخخخخ


ضايقن خلقها ودها العالم يعرفونها .......................... :d:d:d الله يعيني عليها هههههههه


الله يباررك في القصة التي تضحك .......................مغير يمدح نفسه.....قم بس قم .........ههههه

افا يابونادر انتابوالشباب وانت الشباب ماشاء الله عليك تنقز العرفج ههههه

جعلك دايم مبسوووط يابوناد

وتقبل احتراااااااااااااااااااااااااااااااااااااااااااااا مي وتقديرررررررررررررررررررررررررري
__________________
رد مع اقتباس
  #8  
قديم 19-Sep-2005, 04:41 AM
الصورة الرمزية ابوجراح
ابوجراح ابوجراح غير متصل
[ عضو شرف ]
 
تاريخ التسجيل: Jul 2005
العمر: 29
المشاركات: 649
مشاركة: اللي ماهو رايق لايدخل بس موضووع دسم(بقلم حصيصه)

بسم الله الرحمن الرحيم
السلام عليكم ورحمة الله وبركاته
يمال الغنيمه ياحصيصه كان طولت فيها شوي
ياولد فحمت من القرايه لاتعودها انت سامع ولا بعود واجيب حصيصه وخليها تفلقك انت توحي
يابدروحي
واحترامك وتقديرك على الراس
مشكووووووووووووووووور
__________________
رد مع اقتباس
  #9  
قديم 23-Sep-2005, 09:42 PM
اهـــــم واحد اهـــــم واحد غير متصل
[ فـعـال ]
 
تاريخ التسجيل: Mar 2005
العمر: 26
المشاركات: 160
مشاركة: اللي ماهو رايق لايدخل بس موضووع دسم(بقلم حصيصه)

هلا وغلا ابوجراااااااااااااااااااااح


ياحليلها حصيصه تبي الصراحة بنت ناس............ههههههههههههههههههه


راااسي لوتشوووووووووووفه كله فلقاااااات كركركر


الله يسلمك يابوجرررراح احرجتني ........... وجهي قااام يعطي الواااااان


وتقبل احترااااااااااااااااااااااااااااااااااااامي وتقديررررررررررررررررررررررررررررري
__________________
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة

Powered by vBulletin® Version 3.7.3
Copyright ©2000 - 2009, Jelsoft Enterprises Ltd diamond
--:: تصميم عبادى نت للتصميم والإستضافة ::--
الحقوق محفوظة

SEO by bdr130.net 3.0.0