اخواني اعضاء منتديات مطير
هذه قصيده شاعرنا الكبير فلاح بن مبرد الحميداني رد على الشاعر المجهول عندما سب قبيلة مطير
اول بيت منها يقول
خط النذاله قدم الانذال مكزوز ==== والنذل يمشي مثل ماهوبعايز
والتي لاتحضرني
ردالوفـا ياراعـي القـاف مكـزوز=من بادرة نقصـك تـزود عوايـز
خط النذله لك رسمه ابو عكـوز=ماهـو لحمـران النوظـر بجايـز
ماسولفوها روس ظفـران وعنـوز=ولاروس شمـر كاسبيـن الغزايـز
ولاقالهـا راكـان والا ابـوكـروز=الـي نطاردهـم بخـيـل لـزايـز
اليا التقينـا ملتقـى اتـراك وادروز=منـا ومنهـم يكثـرون الجنـايـز
والاانت مالن جعبتك عيش واخبـوز=ولمـزت عـن ماحكوبـك لمـايـز
هرجك هبط بالحيل ياهابـط النـوز=وبه لهجة مـن لابسـات البلايـز
وشك جاك ترفع بيرق الحرب مرزوز=وش هالغـرور المنهـزم والتمايـز
بلا سبب تذكـر مراجلـك وتهـوز=بين العرب كنك على المجـد حايـز
جبت الردى منت على الشين ملزوز=وبنيـت لـك قـاف ملفـق وبايـز
من عز نفسه مع هل الطيب معزوز=ويلقا بهم عنـد المواقـف عنايـز
ويطيح مخيولن على العود مركـوز=وتلعـب برديـان العقـول الغرايـز
رد: جديد الشاعر فلاح بن مبرد 
