قالوا مطيري قلت افاخر بساسي =مبنى شرف ما غيّره كل وسواس
للمجد ماخذ من عدوي قياسي= نختار من وقفات اهلنا ونقتاس
يوم الوفا ومصادمة كل قاسي= تعرف مواقفنا على قب الأفراس
اهل النقا واهل الشرف والحماسي= مطير حمران النواظر هل الباس
بنوا لنا بالمجد رقم قياسي= كسارة الجمعه بعيدين الأرماس
من خيلهم باد الحديد السداسي= وبادت خفوق الهجن من كثر الأمراس
مرسين لو كثرة علينا الحساسي=بين الجنوب ونجد وديار عباس
وشيوخنا مثل الجبال الرواسي =شوخ لهم هده ورده ومفراس
دوشان بشيوخ العرب ما تقاسي= روس عليها وافي الطيب ينقاس
وعموم شوخ مطير تجلى العماسي =شقر الحرار اللي حوت كل نوماس
عوق الخصيم اللي براسه يباسي= يهابهم عند اللقاء كل مدباس
واليوم بيّن بالأمور انتكاسي =ضاع الوفا يوم ارتفع تافه الناس
وقامت تعذربنا وجيه البساسي= ويروجون لهرجة ما لها ساس
مرضى النفوس اللي تحب السواسي=نقالة الشينه مواريث الأنجاس