قصيده للشاعر المرحوم صقر النصافي اتمنى تنال اعجابكم
اليوم يـا عينـي علامـك ترفيـن = ولا نتي على العادة بنثر الدموعـي
أما يبي يلفيك علمٍ مـهو زيـن = وإلا اتذكر ما غـدى مـن اربوعـي
يا كثر ما نذكر من النـاس غاليـن = حدر الثرى ما عد فيهـم رجوعـي
راحوا مراحٍ منه مـا هـم ملفيـن = صارت منازلهم عذابـن للشوعـي
الله على وقتن مضي مثـل هالحيـن = ابعد علي اليوم مـن حـب كوعـي
إليـا ذكرتـه والمخاليـق غافيـن = جريت ما يفتـح مفالـج اضلوعـي
يوم أن وقتي مقبلٍ يا أدعج العيـن = عروس عشق ومعجبتها الدفوعـي
واليوم وقتي صار بيـن اليهاهيـن = إليا طاب لي يومٍ خبث لي اسبوعي
دنيا نبـي منهـا عـدال الموازيـن = وتميل لوني في خطاهـا جزوعـي
تضحك لنـاس بالفـرح مستمريـن = وناسن تجيهم بالكـدر والفجوعـي
وصارت بها سود المقانع شياهيـن = وفحولها صـار اتبـوع التبوعـي
وسلامتكم
